Cavanlığım gedir əldən

0
Mirağa Bağırov
Mirağa Bağırov
Saçlarımın qarasına
Ağ dən düşür gilə-gilə.
Addımlayır qocalığım,
Gəncliyimə gülə-gülə.

***
Arzum uşaq, qəlbim uşaq,
Saçlarıma qonur sazaq.
Təbiətdə insafa bax,
Zülm eliyir bilə-bilə.

***
Od tökülür gözlərimdən
Hər baxanda aynaya mən.
Cavanlığım gedir əldən
Gündən-günə, ildən- ilə.
***
Mən görsəm də milyon kərə,
İnanmıram gözlərimə.
Hey baxıram…nahaq yerə
Gözlərimi silə-silə.
***
Ürək yaddır qəmə, yasa,
Götürməzdim ələ əsa,
Şəvə saçım ağarmasa
Qocalmazdım yüz il hələ.

Mirağa Bağırov. Zərdab şəhər sakini.

Şərh yaz

Please enter your comment!
Please enter your name here

2 × 4 =