Zərdab sakininin Bakıda qaçırılmış avtomobili tapıldı

0

fotoLənkəranda iki həftə öncə baş verən oğurluq hadisəsinin üstü açılıb. Zerdab.com saytı APA-ya istinadən məlumat verir ki, bu, polis əməkdaşlarının həyata keçirdikləri əməliyyat-axtarış tədbirləri sayəsində mümkün olub. Lənkəran Şəhər-Rayon Polis Şöbəsinə (ŞRPŞ) daxil olan məlumata müvafiq olaraq rayonun Osakücə kənd sakini, 1977-ci il təvəllüdlü Fariz Fərail oğlu Rzayevin yaşadığı ünvana baxış keçirilib. Baxış zamanı həyətdə Zərdab rayon sakini Əfqan Qasım oğlu Teymurova məxsus, avqustun 2-də Bakının Suraxanı rayonu ərazisindən qaçırılmış,  2005-ci il istehsalı olan 10 MP 097 dövlət nömrə nişanlı, “VAZ-2107” markalı avtomobil aşkarlanıb. F. Rzayev həmin avtomobili Lənkəranın Ləvəngi dairəsində Bakının Binə qəsəbə sakini olan Güloğlan adlı şəxsdən heç bir sənəd təqdim  olunmadan cəmi 400 dollara aldığını bildirib.

 

Şərh yaz

Please enter your comment!
Please enter your name here

3 × five =