Uşaqların Beynəlxalq Müdafiəsi Günü münasibəti ilə Zərdab Uşaq və Ailələrə Dəstək Mərkəzində “Bir balaca dünyam var” adlı şənlik-tədbir keçirilib. Bu barədə Zerdab.com saytına Zərdab Uşaq və Ailələrə Dəstək Mərkəzindən məlumat verilib.
Tədbirdə Zərdab Uşaq və Ailələrə Dəstək Mərkəzindən bəhrələnən uşaqlardan Gülər, Aysel, Firuzə, Elşən, Səmayə, Ruslan, Roza, Ayşən və digərlərinin hazırladıqları rəqslər, şeirlər, kompozisiyalar qonaqların zövqünü oxşayıb. Bundan əlavə,
Zərdab Uşaq və Ailələrə Dəstək Mərkəzinin əl işləri dərnəyinin üzvü Vaqif Bayramovun Heydər Əliyev parkında “Əl işləri sərgisi” təşkil olunub. Vaqif Bayramovun “Əl işləri sərgisi” Zərdab Rayon İcra Hakimiyyəti Aparatının başçısı tərəfindən mükafatlandırılıb.