Həsən Bəy Zərdabi Muzeyində “Tükənməz sərvətdi, vardı Zərdabi” adlı tədbir keçirilib. Bu barədə Zerdab.com saytına Həsən Bəy Zərdabi Muzeyinin direktoru Vəfa Bayramova məlumat verib. Onun sözlərinə görə, tədbir Həsən Bəy Zərdabinin anadan olmasının 172-ci ildönümü ilə əlaqədar təşkil olunub: “Tədbirdə Muzeyin əməkdaşları Zərdabinin həyat və yaradıcılığı, keşməkeşli həyat yolundan danışıblar. Qeyd edilib ki, Həsən Bəy Zərdabinin Azərbaycan ictimai-siyasi və mədəni həyatında xidmətləri əvəzsizdir. Eyni zamanda Azərbaycan siyasi məfkurəsinin inkişafında Həsən Bəy Zərdabinin çox böyük rolu var”.
Tədbirdə məktəblilər Həsən bəy Zərdabiyə həsr olunmuş şeirlərlə çıxış ediblər.
Zerdab.com
