Beşikdən başlanan həyat yolumuz

0
Beşik

BeşikKörpələr möhtacdı ana südünə

Laylamız çalınıb beşik başında,

Beşikdə böyüyüb, dil açmışıq biz.

Beşik necə qalıb de, yaddaşında?

Ordan pərvazlanıb, qol açmışıq biz.

***

Kim deyir, beşiyin dövranı gedib?

Beşiyi tutmayaq bu qədər ucuz.

Bizləri dözümlü, fədakar edib,–

Beşikdən başlanan həyat yolumuz.

***

Körpələr böyüyür beşiksiz indi,

Nədir, laqeydlik yeriyib qana?

O qədər olub ki, gərəksiz indi,

Beşiklər keçibdi arxa plana?

***

Daha körpəsinə layla çalan yox,

İşləri kim salıb belə çətinə?

“Malış” rol oynayır indi daha çox,

Körpələr möhtacdı ana südünə.

***

Ananın laylası ilahi bir səs,

Qəlbə nur yeriyir, məlhəm yeriyir.

Beşikdə laylası çalınmayan kəs

Mübariz, ərköyün, cığal böyüyür.

 

Mübariz SƏFİYAROĞLU

Şərh yaz

Please enter your comment!
Please enter your name here

12 − eight =