 Birisi Həzrəti Musaya deyir: |
|
| – Ya Musa, mənim var-dövlətim o qədər artıb ki, qorxuram ibadətimə əngəl ola. Allaha dua elə ki, malımın bərəkətini azaltsın. Həzrəti Musa (ə) ona məsləhət görür ki, quru çörək götürüb gəzə-gəzə yesin.
Aradan aylar keçəndən sonra onlar yenidən rastlaşırlar və həmin şəxs gileylənir: – Ya Musa, sən mənə məsləhət verdin, amma istədiyim olmadı. Həzrəti Musa deyir: – Sən mənim məsləhətimi necə yerinə yetirdin? Həmin şəxs də yaxasına bir önlük bağlayır, sonra da bir parça quru çörəyi əlinə alıb gəzə-gəzə yeyir. Çörək parçasını yeyib qurtardıqdan sonra önlüyün üstünə tökülmüş qırıntıları da sağ əlinə çırpıb ağzına atır. Həzrəti Musa bu mənzərəni görəndə belə deyir: – Doğrusu, bu önlük məsələsi heç ağlıma gəlməmişdi, elə düşünmüşdüm ki, sən o quru çörəyi gəzə-gəzə yeyərkən qırıntılar ətrafa səpiləcək və sənin evinin bərəkəti azalacaq. |
