Zərdab Rayon Mərkəzləşdirilmiş Kitabxana Sisteminin Gəlmə kənd kitabxanası , kənd Mədəniyyət evi ilə birgə “ELİMİZƏ BAHAR GƏLİR, NƏĞMƏ GƏLİR, SAZ GƏLİR” başlığı altında Novruz şənliyi təşkil etdi. Tədbiri giriş sözü ilə kitabxananın müdiri İlahə Hüseynova açaraq tədbir iştirakçılarını Novruz bayramı münasibəti ilə təbrik etdi. Böyük mənəvi gücə malik olan Novruz bayramı ənənələrindən danışdı. Gəlmə kənd inzibati ərazi dairəsi üzrə nümayəndənin müavini Gündüz Səfərəliyev çıxış edərək bütün Azərbaycan xalqını bu bayram münasibəti ilə təbrik etdi və qeyd etdi ki, o gün olsun ki, tapdaq altında olan torpaqlarımız azad olsun, bu əziz bayram tonqalları Qarabağmızda şölələnsin.Gəlmə kənd Mədəniyyət evinin metodisti Zeynəb Səfərəliyeva çıxış edərək Novruz bayramının təmizlik, saflıq, barış bayramı olduğunu qeyd etdi, Novruzqabağı keçirilən mərasimlərdən danışdı. Tədbirin 2-ci hissəsində bahar qızı Saray Hüseyinzadə, tədbirin aparıcıları Zöhrə Abbaszadə, Aydan Hüseynova tədbir iştirakçılarını Novruz bayramı münasibəti ilə bir daha təbrik etdi, ulu öndər Heydər Əliyevin Novruz bayramı haqqında kəlamlarını tədbir iştirakçılarının diqqətinə çatdırdılar. Tədbir boyu kitabxananın fəal oxucuları Novruz bayramı haqqında şerlər, tapmacalar, yanıtmacalar söylədilər, müxtəlif oyunlar keçirdilər, musiqi nömrələri ifa edilər. Keçəl və kosa da öz məzəli oyunları ilə tədbir iştirakçılarını əyləndirdi.
Gelmenin tedbiri cox gozeldir onlarin iscilerine halal olsun
Comments are closed.