Zərdabda Heydər Parkının giriş qapılarından biri zəbt olunub?

Zərdab rayonunda məmur balaları istirahət parkını zəbt edib.

Şahin adlı Zərdab sakini Milli.Az-a bu barədə yazaraq iddia edib ki, park qış aylarında məmur övladlarının ixtiyarındadır. Onlar tərəfindən aparılan abadlıq işləri yekunlaşmaq üzrədir.

Şikayətçi yazır ki, Heydər Əliyev adına parkı ziyarət etmək istəyənlər bunu istəklərini reallaşdıra bilmirlər. Çünki parkın giriş qapılarının bir neçəsi ziyarətçilərin üzünə may ayından bağlıdır və həmin qapılardan biri naməlum şəxslər və ya şəxs tərəfindən zəbt olunaraq obyekt tikilir. Həmin obyekti tikdirən şəxs Zərdab rayon “Meroservis” idarəsinin müdiri Sahib Eyvazovun oğlu Oktaydır. O.Eyvazov Zərdab şəhəri icra nümayəndəliyi Hafiz Kərimovun yeznəsidi. Zərdab rayon sakinləri O.Eyvazova  parkın qapısında obeykt tikdirməklə bağlı irad tutulanda isə “pulum var tikdirirəm, əcəb edirəm” cavabı verir.