Prezident İlham Əliyev həmyerlimiz Qulu Soltanova medal verdi

0
Qulu Soltanov

Prezident İlham Əliyevin sərəncamı ilə Zərdab rayonunun Dəliquşçu kəndindən olan Soltanov Qulu Mehbalı oğlu “Tərəqqi” medalı ilə təltif olunmuşdur.

Qulu Soltanov 2 oktyabr 1952-ci ildə Dəliquşçu kəndində anadan olub. 1969-1974-cü ildə Xalq Təsərrüfatı İnstitutunun “Mühasibat uçotu və audit” fakultəsində təhsil almışdır. 1970-1971-ci illərdə Dəliquşçu kəndinin “Bakı fəhləsi” adlanan kolxozunda mühasib kimi çalışmışdır. Sonradan Zərdab Rayon Mərkəzi Xəstəxanasında və SMU-21 trestində mühasib işləyib. 1994-cü ildə Azərbaycan Auditorlar Palatası təşkil olunan zaman bu qurumun Zərdab Rayon Şöbəsində işə başlayan Qulu müəllim, 1999-cu ildə Bakı şəhərində Auditorlar Palatasında audit vəzifəsinə təyin olunmuşdur. 2000-2004-cü illərdə “Xəzər” Audit firmasının baş auditoru olmuşdur. 2005-ci ildən Azərbaycan Respublikasının Auditorlar Palatasının Şura üzvüdür. Azərbaycanda 12 bank auditindən biridir. Bir neçə kitabın və dərsliyin müəllifidir.

2002-ci ildə Auditorlar Palatasında Qulu müəllimin 50 illik yubileyi, 2012-ci ildə isə 60 illik yubileyi münasibəti ilə tədbir keçirilmişdir. Ailəlidir, 2 oğlu, 1 qızı var. Qızı filologiya elmləri doktoru olan həmyerlimizin bir oğlu hüquqşünas, digəri isə həkimdir.

Qulu müəllimi təbrik edir, ona uzun ömür, cansağlığı, işlərində uğurlar arzulayırıq.Qulu Soltanov Qulu Soltanov Qulu Soltanov

Şərh yaz

Please enter your comment!
Please enter your name here

19 + eleven =