Zərdabda kişi arvadının başını polisə şikayət etdiyinə görə kəsibmiş – TƏFƏRRÜAT

0
Zerdab kriminal

33 yaşlı Aqşin Astanov həyat yoldaşı 23 yaşlı Rüxsanə Astanovanı başını kəsərək öldürüb. Mərhumun qohumlarının sözlərinə görə, rayon ərazisində şəxsi təsərrüfatların birində çobanlıq edən Aqşin Astanov son vaxtlar ailənin qayğılarına biganə yanaşıb. Ehtiyac içərisində olan ailəyə qonşular kömək edib. Bunu eşidən Aqşin Astanov gecə saatlarında evə gələrək, 3 az yaşlı övladının gözu önündə həyat yoldaşına balta ilə zərbə endirib, ölmədiyini görüncə başını bədənindən ayırıb.

Mərhumun qohumu Sahib Məcnunov: “Kənd camaatı dedi ki, başın kəsəndən sonra əlində fırladırmış. Camaat görüb ki, əlində baş var. Uşaqlarda qorxudan harasa qaçıblar. Sonra gəlib tutublar”.

Gülnarə Məcnunova – mərhumun anası: “Başı çatmır, dəlidir. Mən nə bilim axı? Dəli olduğunu bilsəydim, ona qız verməzdim”.

Qulu Məcnunov – mərhumun babası: “Polisə xəbər verib ki, ərim məni tullayıb bura, özü də filan yerdədir. Xəbər veriblər ərinə, deyiblər ki, qız səni şikayət edib, səni tutacaqlar. O da gəlib baltanı götürüb”.

Qeyd edək ki, Aqşin Astanov bundan öncə iki dəfə ailə həyatı qurub. Onun sonuncu nikahdan 3 uşağı var. Faktla bağlı Rayon Prokurorluğunda cinayət işi başlanılıb, araşdırma aparılır. (ARB TV)

Şərh yaz

Please enter your comment!
Please enter your name here

fifteen − five =