Rusiyaya girişə icazəni yoxlamaq üçün online-xidmət fəaliyyətə başlayıb

1
Son zamanlar Rusiya Federasiyasının miqrasiya qanunvericiliyindəki yeniliklərlə əlaqədar Azərbaycan vətəndaşlarının Rusiya ərazisinə daxil olması zamanı ölkəyə buraxılmaması və vətənlərinə deportasiya olunması halları xeyli dərəcədə çoxalıb.
Azərbaycanın Rusiyadakı Səfirliyindən bildirilib ki, Rusiya ərazisinə girişi qadağan olunan şəxslərin vaxtında məlumatlandırılmaması səbəbindən vətəndaşlarımızın səfirliyə ünvanladığı şikayət və müraciətlərin sayı artıb. Hazırda Rusiya Federal Miqrasiya Xidmətinin rəsmi internet səhifəsində xarici vətəndaşlar və vətəndaşlığı olmayan şəxslər üçün FMX-nin xətti ilə Rusiyaya girişə icazənin olmaması ilə bağlı əsasları yoxlamaq üçün “məlumat xidmətləri” bölməsində online-xidmət fəaliyyətə başlayıb. Anlaşılmazlıqların aradan qaldırılması məqsədilə səfirlik gəlməzdən əvvəl Rusiya ərazisinə girişə qadağanın olub-olmaması barəsində əmin olmaq üçün bu xidmətdən yararlanmağı məsləhət görür.
Məlumat üçün www.fms.gov.ru saytına girmək lazımdır.

1 comment

Şərh yaz

Please enter your comment!
Please enter your name here

one × 1 =