Zərdabda dövlət bayrağı günü qeyd olunub – Fotolar

0
43

Dövlət Bayrağı günü münasibəti ilə Zərdabda yürüş təşkil edilib. Yürüşdə rayon rəhbərliyi, hüquq-mühafizə orqanlarının rəhbərləri, idarə və müəssisələrin əmək kollektivləri, gənclər, ictimaiyyət nümayəndələri iştirak ediblər. Zərdab Rayon İcra Hakimiyyətindən Zerdab.com saytına verilən məlumata görə, yürüş iştirakçıları uzunluğu 10, eni 5 metr olan Azərbaycan bayrağını Dədə Qorqud meydanından başlayaraq Heydər Əliyev prospekti ilə hərəkət edərək Bayraq meydanına gətiriblər.
Rayon rəhbərliyi və hüquq-mühafizə orqanlarının rəhbərləri tərəfindən Ulu Öndər Heydər Əliyevin abidəsi önünə gül dəstələri qoyulub, sonra tədbirin rəsmi hissəsi başlayıb.
Rayon İcra Hakimiyyətinin başçısı Lütvəli Babayev Dövlət Bayrağı günü haqqında çıxış edib.
Dövlət Bayrağı gününə həsr olunmuş əl işlərindən ibarət sərgi və divar qəzetləri nümayiş olunub, konsert proqramı təşkil edilib.

Zerdab.com