Zərdabın Sarıqaya kənd sakininin evindən 4 kiloqramdan çox marixuana tapılıb – DİN

0
zerdab-sariqaya-narkotik

Zərdabda narkotik vasitələrin qanunsuz dövriyyəsində şübhəli bilinən şəxslər saxlanılıblar.

Zerdab.com saytı Daxili İşlər Nazirliyinin (DİN) Mətbuat Xidmətinin yaydığı məlumata istinadən xəbər verir ki, Zərdab Rayon Polis Şöbəsinin (RPŞ) əməkdaşlarının əldə edilən məlumat əsasında keçirilən tədbirlər nəticəsində Sarıqaya kənd sakini Mehman Şükürov tutulub.

Onun evinin həyətindəki gizli saxlanc yerinə baxış zamanı 4 kiloqram 785 qram marixuana aşkar edilərək götürülüb.

Qeyd edək ki, polislər tərəfindən narkotik vasitələr satış üçün hazır qutularda qablaşdırılmış vəziyyətdə tapılıb. M.Şükürov narkotik vasitələrin satışı ilə məşğul olduğunu etiraf edib.

Bundan başqa, Zərdab RPŞ-nin əməkdaşlarının Məlikli kəndində keçirdikləri əməliyyat zamanı isə kənd sakini Səbihi Qədirov da saxlanılıb. Onun evinə baxış zamanı isə 481 qramdan artıq marixuana aşkar edilərək götürülüb.

Hər iki faktla bağlı saxlanılan şəxslər barəsində Cinayət Məcəlləsinin müvafiq maddəsi ilə cinayət işi başlanılıb, istintaq əməliyyat tədbirləri davam etdirilir.

Şərh yaz

Please enter your comment!
Please enter your name here

six + six =