Məzahir Qarayev Zərdab rayonunun Qoruqbağı kəndində anadan olub. Bakı şəhərində
yaşayır. Bu günlərdə “Təmsillər” adlı kitabı işıq üzü görüb. Müəllif təmsillərdən bəzilərini www.zerdab.com saytına təqdim edib.
Ərizəbaz
Ərizəbaza dedilər:
Sənin əlindən anan
Artıq batıbdır yasa.
Dedi: deyə bilmərəm
Əlimdə fakt olmasa.
—————————— —————————— ——————————
Tülkünün mühakiməsi
Tülkü hər gün toyuğun
Yumurtasın yeyirdi,
Ancaq durub iclasda:
Bu çil toyuq nədənsə,
Yumurtlamır deyirdi”.
—————————— —————————— ——————————
Böhtan
Bir gün çaqqal, alabaş
Çil toyuğu yedilər.
Amma bu oğurluğu
Tülkü edib dedilər.
—————————— —————————— ——————————
Tülküyə nəsihət
Söylədilər tülküyə
Gəl eyləmə oğurluq.
Səndən qalsın yadigar
Öz nəslinə doğruluq.
O dedi: unutmaram,
Atamın nəsihətin
Yerdə qoya bilmərəm
Mərhumun vəsiyyətin…
—————————— —————————— ——————————
Özündən razı iynə
İynə atıb sapını
Başqa peşə aradı.
Hara ayaq döydüsə,
Tikiş üçün yaradı…
—————————— —————————— ——————————
Özgəyə quyu qazan
Çay qayanı dibindən
Oğrun-oğrun sökürdü.
Bir gün qaya ovulub
Öz üstünə töküldü.
—————————— —————————— ——————————
Çıxış yolu
Sovka qurdu yamanca
Vurulmuşdu yarpağa
Başqa yolu yox idi
Müftə yeyib yatmağa…
—————————— —————————— ——————————
Giley
Bağa hey dolanırdı
Həm quruda, həm suda.
Söz düşəndə deyirdi:
– Eh, yaşamaqdır bu da?
—————————— —————————— ——————————
İradəsiz sarmaşıq
Kimi görsə sarmaşıq
Dolanırdı boynuna.
Çünki yaxşı bələddi
Öz kökünə, soyuna…
—————————— —————————— ——————————
Mismar qorxusu
Mismar çoxdan atardı
İşləməyin daşını.
Çəkic imkan verəyir,
Hey döyürdü başını.
www.zerdab.com
Emidostumun qardasi?
http://www.zerdab.com/?page_id=6988
Sen vetenperverliye aid eserler yaz, qoy bizde oxuyaq!!!
Bu temsiller günümüzün problemlerini eks etdirir. Buradakı qehremanların her biri real heyatımızda var ve Mezahir Qarayev onları şirin dille çox yaxşı tenqid edib.
Comments are closed.