Zərdabda qayınanasının evindən oğurluq edən Ucar sakini tutuldu

0
21
 oğurluqUcar rayon sakini Zərdab rayonunda oğurluq etdiyi üçün tutulub. Zərdab rayon Polis Şöbəsinin məlumatına görə Məmmədqasımlı kənd sakini Şəlalə İbrahimova Polis Şöbəsinə ərizə ilə müraciət edərək bildirib ki, o müalicə üçün İrana getdiyi müddətdə naməlum şəxslər qanunsuz olaraq onun evinə daxil olub və oradan qiyməti 1200 manat olan bir ədəd kondisioner və bir ədəd televizor oğurlayıblar.

Polis əməkdaşları tərəfindən keçirilən əməliyyat-axtarış tədbirləri nəticəsində oğurluq etməkdə şübhəli bilinən Ucarın Bərşad kənd sakini Mirzəliyev Ramil Xanbala oğlu və Ağcabədi rayonundan olan dostu Mahmudov Ramin Tərlan oğlu tutularaq istintaqa təhvil verilib. Şəlalə İbrahimovanın kürəkəni olan Ramil Mirzəliyev banka olan kredit borcunu ödəmək üçün dostu ilə əlbir olaraq qayınanasının oğurluq etdiyini etiraf edib. Faktla bağlı Zərdab rayon Polis Şöbəsi tərəfindən cinayət işi açılıb, araşdırma aparılır.

www.zerdab.com