SÖZ DEMƏK OLMUR…
Qananlar nə azdı bizim zamanda,
Qanmaz qabağında söz demək olmur,
Qaçqın-köçkün yurd dərdilə qırılır,
Daha üz utanır, “döz” demək olmur.
***
Bəzən meydan qalır bic əxlaqsıza,
Az qalır göylərdən yerə qan sıza,
Günün günortası gəlinə, qıza,
Vurur lotu-potu göz, demək olmur.
***
Buna necə dözsün qəlb, İsaməddin,
Düşürsə nəzərdən əxlaq, ədəb, din,
Gözün görə-görə namərdlər mərdin,
Basırlar köksünə köz, demək olmur…
***
İsaməddin Əhmədov, “Əkinçi” qəzetinin redaktoru
