Mən öləndə ağlamayın,
Göz yaşından bezin bir az.
Qırx günlük yas saxlamayın,
Tez qurtarsın hüzn bir az.
***
Bir az da mənsiz yaşayın,
Kədərsiz, qəmsiz yaşayın.
Yadigarımsız yaşayın,
Yoxluğuma dözün bir az.
***
Ölüm də həyatdır, bilin,
Siz məni həyatda bilin.
Darıxsanız, kövrəlməyin,
Qəbrim üstə gəzin bir az.
***
Deyirdim, çox yaşayaram,
Təzə ömür başlayaram.
İnciməsin, dost-tanışlar
Yalan çıxdı sözüm bir az.
QALİB, Gəlmə kəndi.
