Prezident İlham Əliyevin sərəncamı ilə ayrılan vəsaitlə bir müddət öncə təmir olunan Zərdab-Mollakənd yolu bərbad hala düşüb. Zerdab.com saytı xəbər verir ki, yolun bərbad vəziyyətə düşməsi bu yoldan istifadə edən minlərlə insanın narahatlığına səbəb olub. Onlar yolun yaratdığı narahatlıqla yanaşı, avtomobillərə də ciddi ziyan vurduğunu bildiriblər.
Təqdim etdiyimiz bu fotolar Zərdab-Mollakənd yolunun Kürdəmir rayonunun ərazisinə düşən hissəsidir. Fotoları sosial şəbəkədə həmyerlimiz, jurnalist Ürfan Məmmədli paylaşıb və bu sözləri yazıb: “Bu yola Prezidentin sərəncamı ilə pul ayrılıb və bir il bundan öncə asfaltanıb. İndi bu gündədir. Hələ bu, yolun babat yeridir. Bəzi yerlərdə minik maşınlarının hərəkəti mümkün deyil”.
