92 saylı Zərdab-Ucar Seçki Dairəsindən deputatlığa namizəd, professor, Milli Məclisin (MM) Mədəniyyət komitəsinin sədr müavini Jalə Əliyeva Zərdabın Qaravəlli kəndində şəhid Vüqar Abdullayevin atasını və doğmalarını ziyarət edib.
Zerdab.com xəbər verir ki, Vüqar Abdullayev 1993-cü ildə vətən uğrunda döyüşlərdə həlak olub.
Millət vəkili şəhid Vüqar Abdullayev daxil olmaqla, bütün şəhidlərin Azərbaycan xalqının baş tacı, onların uyuduqları məzarların, şəhidlər xiyabanlarının and yeri olduğunu bildirib.
Millət vəkili eyni zamanda, aprel döyüşlərinin qəhrəmanlarından olan şəhid Nurlan Abdullazadənin məzarını, daha sonra isə şəhidin valideynlərini ziyarət edib.
