Atasından sonra Səmanın da meyiti tapıldı

0
8501
zerdab-kurde-batan.qoruqbagi.png

12 aprel 2024-cü il tarixində Kür çayının Ağcabədi rayonu, Nəcəfqulubəyli kəndi ərazisindən keçən hissəsində batmış 2018-ci il təvəllüdlü Süleymanlı Səma Vaqif qızının meyiti tapılıb.

Bu barədə Zerdab.com saytına yaxınları məlumat veriblər. Bildirilib ki, Səmanın meyiti Kür çayı üzərindəki körpünün yaxınlığında tapılıb.

Bununla bağlı Fövqəladə Hallar Nazirliyi də məlumat yayıb. Bildirilib ki, azyaşlının meyiti çayın Zərdab rayonu, Qoruqbağı kəndinin ərazisindən keçən hissəsində, batdığı yerdən təqribən 3 km uzaqlıqda Fövqəladə Hallar Nazirliyi Xüsusi Riskli Xilasetmə Xidmətinin dalğıc-xilasediciləri tərəfindən suda tapılıb və çıxarılaraq aidiyyəti üzrə təhvil verilib.

Qeyd edək ki, Zərdab rayonu Qoruqbağı kənd sakini Vaqif Süleymanov ailəsi ilə istirahət edirmiş. Bu zaman 6 yaşlı qızı Səma Kürə düşüb, atası isə onu xilas etmək istəyərkən boğulub. Səmanın atasının meyiti isə iki gün öncə tapılmışdı.

Hadisə ilə bağlı ilk məlumatı Zerdab.com saytı yayıb.

Zerdab.com