Zərdab Uşaq və Ailələrə Dəstək Mərkəzində Novruz şənliyi keçirilib. Zerdab.com saytına verilən məlumata görə, şənlikdə milli bayramımız olan Novruz adət-ənənələrindən danışılıb, bayramdan qabaq keçirilən çərşənbələrin necə qeyd olunmasından söhbət açılıb. Mərkəzdən bəhrələnən uşaqların hazırladığı şeirlər, rəqslər və viktorinalar şənliyə daha da rəng qatıb. Bayramın simvolu olan Kosa və Keçəl gələn qonaqlarla yumurta döyüşdürüb, Bahar qızı şirniyyat paylayıb. Mərkəzdə keçirilən viktorinada qalib gələnlər mükafatlandırılıb.
Sevinc Vaqifqızı
