Zərdablı Böyük Vətən müharibəsi veteranı təltif olundu

0
17

Muradalı HeydərovAzərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov 416-cı alayın topçusu olmuş Zərdab rayon sakini, 93 yaşlı Muradalı Heydərovu qəbul edib. Xidmətdən Zerdab.com saytına verilən məlumata görə, A. Rəhimov Böyük Vətən müharibəsi veteranı Muradalı Heydərovun keçdiyi döyüş yolundan söz açaraq, onun gənclər üçün bir nümunə olduğunu vurğulayıb.

Gənclərin ordu sıralarına hazırlanması, döyüş əzmi ruhunda və hərbi vətənpərvərlik tərbiyəsində xidmətləri ilə əlaqədar M. Heydərova təşəkkürünü bildirən general-leytenant Arzu Rəhimov onun bu fəaliyyətinə görə Səfərbərlik və Hərbi Xidmətə Çağırış üzrə Dövlət Xidmətinin Fəxri Fərmanı ilə təltif olunduğunu diqqətə çatdırıb. Xidmət rəisi Fəxri Fərmanı Muradalı Heydərova təqdim edərək, ona möhkəm can sağlığı və uzun ömür arzulayıb.

Muradalı Heydərov bundan sonra da yorulmadan veteranların nümunəsini gənc nəsil arasında təbliğ edəcəyini söyləyib.

Zerdab.com