Dəkkəoba kəndi Dəkkəoba inzibati ərazisindədir. Rayon mərkəzindən 5 kilometr şərqdə yerləşən bu kənd ötən dövrlərdə “Məscidli oba” adı ilə tanınmışdır. Kəndin yaşayış məntəqəsi kimi 1700-cü illərdə yarandığı bildirilir. Adının mənasının isə “Lələhmədlilərə məxsus oba” demək olduğu bildirilir. Ərazisi 1834 hektar, əhalisinin sayı 1397 nəfərdir. Dəkkəoba kəndində 317 təsərrüfat vardır. Kənddə icra nümayəndəliyi, bələdiyyə, orta məktəb, kitabxana, uşaq bağçası, tibb məntəqəsi, məscid var. Kənd əhalisi əsasən maldarlıq, quşçuluq, taxılçılıq, yemçilik, pambıqçılıq, baramaçılıq, bostançılıq, tərəvəzçilik, meyvəçiliklə məşğul olur.
