Çox da bel bağlama, fanidi dünya,
Ötəri, keçici, anidi dünya.
Nə qədər can alıb,–canidi dünya…
Kim nə deyirmişsə, düzüymüş, Allah.
***
Bir vaxt dünya mənə çox şirin idi,
Dağ uca, dərələr gen, dərin idi,
Çayları dup-duru, səp-sərin idi,
Bilməzdim, dənizi duzuymuş, Allah.
***
Dərd yedi canımı, içim ovuldu,
Dənsiz dəyirmantək suyum sovuldu,
Gəncliyim əriyib dənizə doldu,
Mənim ümidlərim buzuymuş, Allah.
***
Məni ehtiyacdan, zaman çox yorur,
İncidir ruhumu, yaman çox yorur,
Hələ Axirətdə imtahan durur,
Burda çəkdiklərim azıymış, Allah.
***
Adım İsaməddin, yolum hayana?
Mal-mülk bir yanadı, iman bir yana,
Hazır olanlara son imtahana,
Cənnətin qışı da yazıymış, Allah.
İsaməddin ƏHMƏDOV, “Əkinçi” qəzetinin redaktoru.
Cox gozel serdir maassallah.Uca Allah dusunen qelbinize huzur nesib etsin ugurlariniz bol olsun.
Comments are closed.