Zərdabın qəhrəman oğlu: şəhid Zalov Məhəmməd Rəsul oğlu

Zalov Məhəmməd Rəsul oğlu 1971-ci ildə Zərdab rayonunun Məlikli kəndində anadan olub. 1978-ci ildə Zərdab Mirzə Ələkbər Sabir adına Məlikli kənd orta məktəbinin 1-ci sinfinə qədəm qoymuş, 8-ci sinifi bitirdikdən sonra Zərdab rayonunun 124 saylı Texniki-Peşə məktəbində təhsilini davam etdirmiş, traktorçu peşəsinə yiyələnmişdi. 1989-1991-ci illərdə əsgəri xidmətdə olmuşdu.

Hərbi xidmətdən sonra doğma kəndlərindəki kolxozda traktorçu işləmiş, bu müddət ərzində özünü bir vətəndaş kimi doğrultmuş, bacarıqlı işi ilə hamının hörmətini və rəğbətini qazanmışdı. 1992-ci il avqust ayının 15-dən Milli Ordumuzun sıravi əsgəri tək vətənin müdafiəsinə qoşulmuş, Füzuli rayonunun Divanalılar kəndindəki “N” saylı hərbi hissəsinin birinci rotasının tərkibində vuruşmuş və oktyabrın 23-də qəhrəmancasına şəhid olmuşdur. Zalov Məhəmmədin və digər şəhidlərimizin xatirəsi xalqımızın qəlbində daim yaşayacaqdır. Allah rəhbət eləsin. Həsən bəy Zərdabi yurdu Məhəmməd Zalov kimi qəhrəman oğullarla daim fəxr edir.