O bülbül cəh-cəhli, o xoş avazlı,
O Vətən həsrətli, ürəyidağlı,
Ömür-gün yaşadı qaralı-ağlı.
Ona qan ağlayır şikəstə, muğam,
Məhəbbət Laçınsız köçdü dünyadan.
***
Kim oxuyacaqdı “Laçınım mənim”,
Onsuz darıxacaq “İlk məhəbbətim” ,
Qaldı “Bəstə nigar”, ay Allah yetim!
Onu əvəz edən tapaq haradan?!
Məhəbbət Laçınsız köçdü dünyadan.
***
Neçə ildi işğal olub məskənin,
Hər kəsin qəlbində yerin var sənin,
Ürəyim yaradır, səsin məlhəmim.
Bir bülbül didərgin düşüb yuvadan,
Məhəbbət Laçınsız köçdü dünyadan.
***
Ağlar qoydun gülər üzlərimizi,
Düçar etdin qəmə, kədərə bizi,
Silinməz mugamdan Məhəbbət izi,
Vəzir Bəlalı da deyir ucadan:
– Məhəbbət Laçınsız köçdü dünyadan.
VƏZİR BƏLALI (ZƏRDAB)
(Qızıl qələm mükafatçısı)
alah rehmet elesin
Allah rehmet eylesin.Heqiqeten de tekrarolunmaz sesi avazi varidi.Mekani cennet olsun
Comments are closed.